اصعب قرار The most difficult decision
1
قصة حب ملك التى لم تتم
تظهر منطقة جامعه خاصه وتظهر سيارة بداخلها فتاة جميله تنتظر اخوها وتنظر الى ساعتها ويبدو انه تأخر عليها وتنظر الى البوابة التى من المفترض ان يخرج منها بدون جدوى
2
تظهر مطربة الفيديو كليب وهى ترتدى سالوبيت يكاد يكون جسمها وعليه دهان وتتلوى فوق السرير
محمد : يووه الاشتراك قفل هوه ده وقته ياخبر الساعه واحده
3
ويجرى محمد حتى يرى اخته وتراه
ملك : يا بنى انت مش المفروض تكون فى الكليه
محمد : المحاضره خلصت بدرى قلت اقعد شويه فى السايبر عبال ما تيجى
ملك : خلصت بدرى ولا زوغت زى عادتك
محمد : ايه المشكله يعنى فى السايبر
ملك : مفيش مشكله بس انت على طول فاتح النت فى البيت ، خلص الاول اولاوياتك واللى يفيديك وبعدين قعد على النت وياريت حتى تستفيد منها
محمد : استفيد منها ازاى افتح الندوات الدينيه زيك بتحضرى ندوات حسن ابراهيم
ملك : لازم الواحد يعرف دينه كويس
محمد : يعرف دينه كويس ، طب مانت على طول فى الندوات ومش محجبه
ملك : تصمت لبرهه ،، طب اسكت اسكت وتشغل الكاسيت ، "ملهومش فى الطيب يا قلبى ياطيب يالى ماشافو منك غير كل شىء طيب مالهومش فى الطيب"
4
الاسرة مجتمه على الغذاء
الاب : كلام اختك عين العقل
اخو ملك : طبعا الحكيمه الصغيره بتاعتنا ، انت ناسى انى اكبر منها ب 15 سنه
الاب : بس ياريت دماغك زى دماغها ديه متعينه فى القناه بقالها 6 اشهر وبقت نار على علم
اخو ملك : وانا بقيت ايه
الاب : مش عايزه اقولك عشان متزعلش المهم المره الجايه تجيب معاك مراتك واولادك بلاش قلة ذوق ، وقول لابنك يتلم شويه فى ثانوى سامع عنه كلام زى الزفت
اخو ملك : شباب بقى يا بابا سيبه ياخد راحته
الاب : ياخد راحته والله انا خايف يطلع زيك
ام ملك : انتو ما بتكلوش ليه هوه كلام وخلاص
الاب : امال محمد فين ،
ام ملك : نزل بيقول عنده محاضرات مسائيه، ده مجننى من ساعة ما راح الجامعه وانا مش عارفاله نظام زى ما انت قلت مفيش غير ملك هيه اللى دماغ
الاب : هيه اللى دماغ ؟ انت اتفرجتى كتير على اللمبى
ملك : بس يا جماعه ايه الدلع ده كله ، ده انا حسه انى لسه بضفاير
5
فى القناه مع مجموعه من الاصدقاء
يوسف : شغلى جنبكم هنا قلت اجى اسلم
ملك : ده جارى ومتربيين مع بعض ، دول زمايلى فى القناه
يوسف : اهلا وسهلا
ملك : اقوله يا بنى فكها شويه مفيش فايده
مصطفى : للدرجه ديه
ملك : رئيس القناه عامل مقابله مهمه ، وهوه متاخر ودخل بعد الاجتماع وبعدين اقوله بعد الاجتماع اتاخرت ليه يقولى الخط ابو نص جنيه مجاش هاها مش ممكن بخله ده
يوسف : شفتو الماتش امبارح
مصطفى : ماتش ماتش ايه ، انت غلطت فى العنوان روح يمين هتلاقى قناتنا الرياضيه
ملك : ولو شمال هتلاقى المسلسلات
محمود : مضبوط ، اضربلك مسلسل وتعالى
يوسف : ايه يا جماعه براحه عليا شويه
ملك : تعالى يا يوسف بعد اذنكم يا جماعه
يوسف : ايه رايك اعزمك على العشاء بالليل
ملك : عشا عشا ليه
يوسف : عايزه اكلمك شويه
ملك : مش هاقدر ،،،،،، طب قول انت عايز ايه
ملك : مش هينفع هنا
المخرج : آنسه ملك آنسه ملك
ملك : حاضر حاضر ، انا جايه بعد اذنك
يوسف : مع السلامه
6
فى شقه اشبه بالغرزه
صايع1 : ماتاخد تظبط دماغك
محمد : بس انا ماليش فى البانجو
صايع2 : انت تخصص حشيش بس
الضابط : كل واحد مكانه ، لموهم وعلى الحجز
7
تظهر ملك فى القسم ، وتمسك الموبايل
ملك : انا عارفه اخويا كويس ، هوه مالوش فى المخدرات، بس للاسف اصحابه اللى ملموم عليهم بايظين، عموما باوعد حضرتك انه ميعرفهمش تانى
ملك : متشكرة جدا جدا، وانا فى انتظار تشريف حضرتك للبرنامج
8
ثم تدخل الى غرفه بالقسم
ملك : مساء الخير ياحضرة الظابط ، انا ملك فخرى مذيعة فى قناه الامل
الضابط : اهلا بيك ازى حضرتك ، منورة اتفضلى
ملك : متشكره
الضابط : اندهو لمحمد
الضابط : انت واد معنكش دم ، حد يبقى اخته ملك فخرى ويتلم على الشويه الصيع دول
محمد : انا مبشربش معاهم والله ما بشرب
ملك : وانا عشان متأكده باستسمح حضرة الظابط سماح المرة دى ، بس المره الجايه انا هاسلمك بنفسى
الضابط : نقفل بس المحضر ، ومش عايزه اشوفك تانى هنا
9
فى القناه صباحا
يوسف : صباح الخير ، امال فين الناس ؟ القناه فاضيه كده ليه
ملك : انت ايه اللى جابك تانى ، انت مش عارف ان ده مكان شغلى
يوسف : بس احسن
ملك : باستغراب احسن ازاى؟
يوسف : يعنى اخد راحتى
ملك : انت هتتجنن ولا ايه
يوسف : هتجنن
ملك : طيب اسيبك فى جنانك ، رايحه اصور
يوسف : فلتى منى تانى
10
والد ووالدة ملك فى التراس يحتسون الشاى
ام ملك : شفت بنتك الجدعه طلعت محمد فى دقايق
الاب : انا عارف واخوها الكبير نكلمه فى التليفون ولا هوه هنا
ام ملك : ومحمد عايز يتوجه ، لحسن يروح مننا ، ربنا يوفقك يا ملك ويخليكى لينا يا بنتى
الاب : على فكرة فى عريس لملك
ام ملك : عريس مين
الاب : دكتور محترم جدا ومشهور
ام ملك : بص يا فخرى اهم حاجه البنت تستريح له ، ملك شخصيه ومثقفه ولازم تختار شريك حياتها بنفسها
الاب : انا متأكد انه هيعجبها
11
فى القناه
سلوى : مش واخده بالك بيبصلك ازاى
ملك : هو مين
سلوى : يعنى هيكون مين يوسف طبعا
ملك : بيبصللى ازاى
سلوى : يعنى واضح انه متيم ،
ملك : ده دمه تقيل قوى
سلوى : خففيه
ملك : بطلى تهريج
12
فى الكوافير مع سلوى
ملك : بقالى كتير ما باشوفوش ، كنت باشوفه وانا نازله ، وساعات ييجى هنا ، بس كنت بادهومله
سلوى : وبعدين
ملك : ولاقبلين انا بس بارغى معاك
سلوى : لا شيخه طب ماتكلميه
ملك : معرفش نمرته
سلوى : وادى نمرته
ملك : جبتيها منين ديه يخرب عقلك
سلوى : اي خدمه بطريقتى الخاصه ، باى انا ماشيه
13
ملك مع اخوها محمد بغرفته
ملك : ركز يا محمد فى مستقبلك وسيبك من الشله التعبانه
محمد : اركز فى ايه وبعد ما اتخرج هاعمل ايه
ملك : لأ اعمل اللى عليك دلوقتى ومتنساش ان ربنا وعدنا ان لكل مجتهد نصيب
محمد : حاضر يا حكيمه حاضر
ملك : انت عارف يا محمد انا بحبك اد ايه ،
14
تتردد كثيرا ثم تقرر فى النهاية وتتصل به
ملك : ازيك يا يوسف ، تعرف مهندس ديكور شاطر يشتغل عندنا فى القناه
يوسف : اشوفلك زمايلنا كتير ، وانت اخبارك ايه
ملك : الحمد لله
يوسف : صدق او لا تصدق ماعنديش نمرتك لحد دلوقتى ، ده موبايلك اللى بتتصلى منه
ملك : لأ دهى نمرة القناه وانت عايز نمرتى ليه
يوسف : ليه ! امال هاقولك ازاى لما الاقى المهندس
ملك : آه صحيح
15
مكالمه تليفونيه
ملك : تخيل الراجل فضل يعاكس فيا اليوم كله
يوسف : بس له حق يعاكسك انا لو مكانه كنت خطفتك
ملك : تفتكر (بدلال)
يوسف : انتى مرتبطه؟
ملك : يعنى انت مش عارف
يوسف : عارف بس باستعبط ، ممكن اقابلك
ملك : تقابلنى ليه؟
يوسف : اهو نقعد ندردش شويه
ملك : ماشى
يوسف : فين؟
ملك : فى النادى
16
فى النادى ووسط مكان ملىء بالاشجار
يوسف : ايه يا بنتى الشياكه ديه
ملك : بجد ولا هزار
يوسف : لأ بجد طبعا
ملك : طب ماانت بتعرف تجامل اهوه وبتجر ناعم وانا اللى كنت فاكراك
يوسف : ايه هنلبخ ولا ايه
ملك : عموما اتكلم قول اللى انت عايزه
يوسف : انا عايز اجى عندكم البيت واطلب ايدك ، تفتكرى ايه هيكون راى اهلك
ملك : مش لما تعرف رايى الاول
يوسف : خلاص يبقى اجيلكم الثلاث الجاى لوحدى زياره ان شاء الله
ملك : خلاص يا واثق ، انت عارف ان فى زميل ليا اتقدملى واحنا فى الكليه واترفض
يوسف : واترفض ليه
ملك : معرفش ، بابا رفضه
يوسف : انت هتقلقينى ليه
ملك : هوه ، مكنش زيك
يوسف : اكيد يا بنتى انا مفيش زييى
ملك : ايه التواضع ده وتضحك
ترتفع الكاميرا اعلى ترابيزتهم وتظهر الحديقه كامله
17
فى بيت والد ملك
ملك : عاوز ييجى يتقدملى
ام ملك : وماله خليه ييجى
ملك : يعنى انت موافقه
ام ملك : والله على المواصفات اللى انت بتقوليها ، مش بطال والمهم ابوكى يوافق ، لانى حاسه انه عايز حد اجهز من كده
ملك : ان شاء الله مش هايرفضه
ام ملك : ربنا يوفقك يا بنتى
18
يوسف يتقدم لخطبة ملك
الاب : معلش يا بنى انت لسه صغير والعمر قدامك ، لو ديه اختك ترضالها كده
يوسف : وانا مش هفيه يعنى ، ولا هاضيع مستقبلها
الاب : مفيش عندنا بنات للجواز
ام ملك : واحدة واحدة الامور متجيش كده
يوسف : انا شغال فى وظيفه اى شاب يحلم بيها وشويه وهيكون ليا شغلى الخاص ، انا بجد مش عارف ايه سبب الرفض
19
مناقشه بعد رفض الخطوبه
الاب : انا اتجننت عشان اجوزك واحد فى سنك لسه مش عارف يعول نفسه ، يا بنتى انت مش عارفه نفسك ، انت ملك فخرى ، جميله وناجحه ومحترمه
ملك : ويوسف طموحه عالى وانسان مش وحش
الاب : ايه يا ملك ايه اللى حصلك ، طول عمرك عاقله وانا عايز مصلحتك
ملك : اسمحلى اختلف معاك يا بابا ، مش شرط يكون الانسان جاهز 100% ، ومش هاقول لحضرتك انى ممكن اخد بنى ادم معدم وشخصيته مفشلاه ، بس يوسف انسان طموح جدا وذكى والكل المؤشرات بتقول انه هيكون له مستقبل مبهر ، اظن ده واضح لحضرتك
الاب : انا مش هغامر بمستقبل بنتى
ملك : بالعكس يابابا هو يعنى الجاهز قوى ده حد عارف جاب فلوسه ازاى ، وبعدين زى ما جت له ، طب ماتروح منه
الاب : يظهر انك هتتعبينى وثقافتك دى مش هتغير اللى فى دماغى ، انا اللى عارف مصلحتك ، ولما اموت ابقى اعملى ما بدالك
ملك : يا بابا بعد الشر عليك وتجرى باكيه
20
آخر مكالمه بين عماد وهبه يرن جرس التليفون عند عماد
يوسف : الو
ملك : الو (بصوت منخفض)
يوسف : مين معايا
ملك : انا ملك
يوسف : ملك ازيك
ملك : انت عامل ايه
يوسف : الحمد لله
ملك : ما تزعلش انا فكرت نجوز انا وانت ونحطهم امام الامر الواقع
يوسف : ، انتى عملتى كل اللى تقدرى عليه ،وانا ارضى ان اخليك تجوزينى بالشكل ده
ملك : يعنى مفيش فايده
يوسف : اصل احنا لو فى فيلم كنت هاقولك النهاية لازم تكون سعيده
ملك : بابا عايزنى ارتبط بس مش واحد فى سننا ، دكتور اكبر مننا ب 20 سنه
يوسف : مشكله دماغه صعبه جدا ، حاولى ترفضى
ملك : بارفض والله عملت مناحه
21
الاب والام فى شقتهم فى غياب ملك
الاب : دى هبه بمقام 100 راجل محترمه وذكيه ولها وضعها وسط كل الناس ، ولما تتجوز لازم تتجوز واحد يريحها
ام ملك : انا عارفه انك بتحبها جدا وخايف على مصلحتها بس ما دام شايفها ذكيه يبقى اكيد قرارها سليم
الاب : انا قلت رايى وخلاص مش هتجوزه يعنى مش هتجوزه
22
بعد مرور سنوات
صورة ملك على الحائط وبجوارها زوجها وطفلين احدهم فى السادسه والاخر عشرة اعوام
23
فى البيت
عبد القادر : يعنى هيه الست طلعت ولا نزلت هتعمل ايه يعنى
اخو عبد القادر : لأ الستات دول اهم حاجه فى الدنيا ، الست هيه امك اختك حبيبتك مراتك اللى بتسهر على راحتك
عبد القادر : لأ وانت الصادق بتسهر فى التليفزيون
ملك : متشكره قوى
اخو عبد القادر : شفت اهى زعلت
تبكى داخل حجرتها وتسمعه يقول :
عبد القادر : تتفلق وان هاعملها ايه
24
فى البيت
ملك : شفت المقابله اللى عملتها مع رئيس البورصه
عبد القادر : بورصة ايه ، فين الشغاله وفين الاكل
ملك : الشغاله كان عندها مشوار مهم واستاذنت والاكل فى الثلاجه
عبد القادر : بيعمل ايه فى التلاجه وبعدين الشغاله تغيب يوم الدنيا تتقلب، ياريتنى كنت اتجوزت الشغاله
25
فى التليفزيون
رئيس القناه : ما شاء الله يا مدام ملك ايه التالق ده وايه الذكاء فى الحوار ده
ملك : صحيح مرسى
رئيس القناه : ده مش كلامى انا لوحدى ده كلام الناس كلها
ملك : ده حتى الاعداد نفسه مبهور من تنقلاتك فى الحوار
رئيس القناه : وبعدين بتحاورى وزير زى ده مفيش برنامج تانى عرف ياخد منه حق ولا باطل
ملك : انا اشكرك جدا وكلامك ده وسام على صدرى
رئيس القناه : بالعكس ده اقل من حقك وبالتوفيق دايما
26
فى البيت
عبد القادر : انت نسيتى نفسك ، ترجعى باليل فى ساعه زى ديه ،،، هيه سايبه
ملك : انت ليه بتعاملنى كده اتقى الله
عبد القادر : انت اللى مش شايفه بيتك اعتبرينى واحد من ضيوفك
ملك : يا اخى حرام عليك ماله البيت انت بتتلكك
27
ملك مع والدتها فى منزل والدتها
ملك : ده بيتعمد يهزأنى ليل ونهار ودلوقتى بدأ يعملها قدام الناس
ام ملك : حاولى تخديه بالسياسه وواحده واحده انت عندك عيال ومتخربيش بيتك بايدك
ملك : حاولت كتير ومفيش فايدة الموضوع زاد عن حده
ام ملك : خلى بالك انت الاولاد اهم من اى حاجه
ملك : وهوه ده اللى مصبرنى ، بس معرفش بعد كده ايه اللى ممكن يحصل
28
تنظر الى صورة والدها وتقول
ملك : الله يرحمك يا بابا ، مش ممكن كنت هاتتصور ان الدكتور المحترم اللى انت اخترتهولى ، اخلاقه هتتبدل كده
29
فى حفلة عيد ميلاد الابن (شادى)
ملك : اتعدلت ولا لسه
عمرو : لسه
ملك : زى ابوك يعنى هتطلع لمين
سلوى : كل سنه وانت طيب شادى
شادى : وانت طيبه يا طنط
عبد القادر : شايفين يا جماعه المحاوره الجباره ،،،، الشغاله اتاخرت يوم المواعين بقت جبل
ملك : ده بيهزر طبعا
عبد القادر : انا مبهزرش روحى اعمللنا شاى
اخو ملك : مافيهاش حاجه روحى روحى يا ملك
ام ملك : ليه بتكلمها كده
عبد القادر : والله دى مراتى وكل واحد يخليه فى اللى يخصه
تبكى داخل المطبخ
30
مع سلوى فى النادى
ملك : انا اعمله شاى واعمله كل حاجه ، بس هوه ليه بيعاملنى كده
سلوى : معلش يا هبه يمكن اعصابه تعبانه
ملك : هوه على طول كده ، وانا يعنى اعصابى ما بتتعبش
سلوى : مش عارفه اقولك ايه ، هوه كان كده على طول ؟
ملك : لأ اول مااتجوزنا كان ملاك وعشنا خمس سنين كاحلى ما يكون ، معرفش ايه اللى حصل ، وخصوصا فى اخر ثلاث سنين
سلوى : يمكن غار من شهرتك ؟
ملك : مش عارفه مش عارفه ،
31
تدخل ملك الى شقتها وتهم برن الجرس وتتردد وتفتح الباب فتجد نور الغرفه مضاء ، واصوات خفيضه فى الغرفه فتذهب مسرعه الى الغرفه لتجد زوجها بصحبة اخرى على سرير الزوجيه وتخرج مسرع الى خارج الشقه
32
تقود السيارة وتبكى خلف المقود بينما الكاسيت يعمل باغنية لطيفه وتتذكر مشاكلها مع زوجها
ضميرك مزيف ضميرك عدم ،،،،،،،،،كرهتك نعم ، كرهتك لانك مجرد قاع وكام مسرحيه بطلها الالم
33
ملك مع زوجها فى بيتهم
ملك : خلاص نطلق
عبد القادر : ليه نطلق
ملك : كل ده وبتقولى ليه نطلق ،،، يا اخى خلى عندك دم
عبد القادر : بس بس انا طول عمرى باقول ان انتى انسانه مش محترمه
ملك : انا ماشيه
عبد القادر : والاولاد
ملك : هيعيشوا معايا ويبقوا ييجوا يزروك
عبد القادر : خلا ص زى ما تحبى ، كده الموضوع لازم يخلص ، سنين عذاب وقرف ، بس هتسيبى الشقه
ملك : بقى كده ، ماشى هاسيبلك كل حاجه ، بس الولاد هيكونو معايا
34
ما بعد الطلاق
تمر الايام وملك مطلقه وتعيش فى منزل والدتها
سلوى : سنتين يا ملك ، مش هتفكرى تجوزى ؟
ملك : اتجوز! انا؟ ، خلاص اتعودت على حياتى كده مع ماما ، والحمد لله انا مستريحه
سلوى : بيتهيألك ، عموما ديه حياتك وانت حره فيها ، انا سمعت انهم هيخلوكى نائب رئيس القناه
ملك : انا اللى يهمنى حواراتى ، تكون مفيده وتخدم الناس
سلوى : بعد اذنك انا مروحه سلام
ملك : سلام
35
ملك تتحدث مع والدتها فى منزلهم
ام ملك : عارفه مين اللى خد الشقه اللى فوق مش هتصدقى
ملك : مين
ام ملك : عماد
ملك : عماد مين
ام ملك : عماد اللى كنت هتموتى نفسك عشان تجوزيه وابوك الله يرحمه اصر
ملك : معقوله وعرفتى منين
ام ملك : شفته وهو اللى قالى
ملك : وطبعا معاه مراته واولاده
ام ملك : لأ بيقول مراته اتوفت وللا سف مخلفش
ملك : بس غريبه
ام ملك : غريبه ليه اكيد الشقه نزلها اعلان وشافه وطبعا هوه عارفها كويسه
36
ملك فى شقتها ومعها وليد الجار بالعمارة
ملك : معقوله عمك خد فلوسكم كلها وسابكم من غير فلوس
وليد : كتر خيره ، ماطمعش كمان فى الشقه اللى عايشين فيها وال كنا اترمينا كلنا فى الشارع
ملك : طب وانت هتعمل ايه هتصرفو منين انت واخواتك البنات
وليد : هاشتغل
ملك : طب وكليتك
وليد : طب قولى لى هاعمل ايه
ملك : انا هاساعدك
37
يوسف يقابل ملك بعد الغياب
ام ملك : اتفضل يا ابنى انت عامل ايه واخبارك ايه ،
يوسف : اهلا ازى حضرتك
ام ملك : عارف يا بنى الدنيا دى محدش بيكون متوقع اللى ممكن يحصل فيها بكره
يوسف : اكيد وفى النهايه كلها اقدار
ام ملك : اقوم اندهلك ملك
يوسف : اهلا يا ملك عامله ايه
ملك : الحمد لله
شادى : ماما ماما
ملك : دول ولادى
يوسف : مراتى تعيشى انت
ملك : البقاء لله وانت عامل ايه
يوسف : اهوه عايش وحيد زى زمان ، فاكره ايام زمان
ملك : مش فاكره اى حاجه غير ولادى
يوسف : طيب أأأأأأ لو محتاجه اى حاجه احنا جيران وف نفس العماره
38
يخرج يوسف وتوصله ملك حتى الباب
ام ملك : انت بتصديه ليه
ملك : ما بصدوش سيبك سيبك
ام ملك : يا بنتى مش كده هو انا باقولك اجوزيه ، بس انت علاقاتك لازم تكون طبيعيه والدنيا لسه ادامك
ملك : غيرى الموضوع يا ماما عشان خاطرى
39
يوسف مع ملك بمنزلها
يوسف : نتجوز
ملك : مقدرش انا وهبت نفسى لاولادى ( ناظلرة الى عينيه وكانها مسحورة فهى متيمه به حقا)
يوسف : يا هبه انا طول عمرى باحبك ولولا الظروف كان زمانى انا ابو ولادك
40
حوار ملك مع ابنها الطفل الصغير
شادى : هوه احنا حنفضل لوحدنا وبابا لوحده
ملك : ايوه
شادى : ليه
ملك : عشان هوه مشغول
شادى : وايه يعنى اما يكون مشغول ويفضل معانا
ملك : ما ينفعش
شادى : ليه
ملك : عشان ما ينفعش
شادى : هوه مش كل الاطفال ابوهم وامهم بيبقوا مع بعض
ملك : يووووووه وبعدين معاكى روحى العبى مع اخواتك
41
تتامل يوسف من النافذه وهو يصف سيارته ويتحرك نحو باب العمارة وكله نشاط وحيويه ،
42
فى النادى
ملك : مش ممكن الفراغ ده انا هتجنن ،
سلوى : وكمان ساكن فى نفس البيت ومش مرتبط
ملك : انت بتهزرى مين ده
سلوى : البرادعى ،،،وانت هتفضلى لوحدك كده فى السن ده ؟
ملك : امال اعمل ايه يعنى ، اجوز تانى ، ده حتى المحترم اللى كنت مجوزاه اتجوز ، ولا حتى بعت يعتذرلى ، وانا اصلا مقدرش اشوف وشه
سلوى : ما تجوزيه يا بنتى وتخلص نفسك / ده حتى يوسف يعنى اى واحده تتمناه
ملك : ايوه وخصوصا الشعريتين البيض اللى ظهروا عنده مزويدين وسامته ورجولته ، مش عايزه تقولى كده
سلوى : تصدقى يا ملك انت متيمه بيه ، بس انتى نفسك مش مسعداك تجيبى جوز ام لولادك
ملك : ازاى ازاى / ده لو ملاك ، مش ولاده يا ناس ، لا يمكن هيحس ناحيتهم زى امهم استحاله
سلوى : ما شى ماشى ، بس خلى بالك ده فى الشقه اللى فوقك ، اوعى الشيطان يلعب براسك
43
حوار ملك وامها بمنزلها
ام ملك : لسه بتعبتى الشهريه لوليد
ملك : طبعا ، مسكين ظروفه وحشه جدا
ام ملك : والله ثوابك هيكون كبير ، بقلك تعالى واقعدى معانا فى اسكندريه وغيرى جو
ملك : مقدرش ومليش مزاج
بنت ملك : والنبى يا ماما
ملك : خلاص روحو انتو
ام ملك : ونسيبك لوحدك
ملك : جرى ايه يا ماما هوه انا صغيره
44
فى القناه
ملك : انا تعبت جدا ومروحه
المخرج : ماشى ميعادنا بكره يا مدام
ملك : التصوير كل يوم على الهوا خلص عليا
المخرج : مع السلامه
45
تلف وتدور فى المنزل الفاضى وتحس بالملل وبالخوف وتنظر من النافذه لتجد يوسف داخلا الى العمارة ويراودها رغبه فى الصعود الى شقته
46
يتسلل لص الى داخل بيت عماد ويدخل الى غرفة نومه ويفتح الدواليب باحثا عن شىء قيم
47
يدخل عماد شقته ويجلس بغرفة المعيشه المقابلة لباب غرفة النوم
يحاول اللص الخروج من غرفة نومه مواربا الباب ليجد يوسف جالس امام الباب فيعود ثانيا
48
تطرق باب شقته متردده وتدخل الشقه وهى متوتره وتجده وتجلس لتتحدث معه
يوسف : اهلا ملك اتفضلى ،
ملك : انت لوحدك
يوسف : ايوه ، دنا لسه داخل الشقه حالا ، مالك
ملك : تعبانه وهلكانه وولادى مغلبنى وقاعده لوحدى ، الكل سافر اسكندريه وسابنى
يوسف : ملك كان المفروض دلوقتى تكونى مراتى
ملك : اهو النصيب بقى هنعمل ايه
يوسف : ، اقولك تعالى ريحى شويه على السرير
ملك : انت اتجننت
49
تجلس على حافة السرير ويتأمل ضعفها وشغفها ، ويتذكر حبه لها وكيف ان الظروف فرقت بيينهم ، وهى تحس بظلم الواقع لها
فلم يشعرو الا وشفاههم ملتحمه ثم يخلعون ملابسهم تدريجيا ويتغطون بملاءة تنكشف فيما بعد وهم يتقلبون
يذهل السارق وبطريقة لا اراديه يطلع الموبايل ويصور المشهد تمام وتظهر وجوههم ، وهم من شدة الشبق لدرجة انهم لم يشعروا بتكتكات الموبايل او حتى يتم ، لمح من يصورهم
ملك : ايه اللى احنا عملناه ده
يوسف : مين ده ؟
ملك : ياخبر وتغطى نفسها
يوسف : انت بتعمل ايه يا مجنون هات الموبايل ده
يوسف : ايه اللى جابك هنا
يهرب اللص بسرعه ناحية الباب
يعود يوسف الذى يتلفع بملاءة فلا يستطيع المطارده
ملك : ايه ده ده كان بيصورنا ولا ايه انا كنت شايفه فى ايده موبايل
يوسف : ولا يهمك سيبك منه
ملك : انا نازله حلا غلط غلط اكبر غلط اللى عملناه
ملك : انا نازله شقتى
50
وتتحسس طريقها الى شقتها حتى لا يراها احد وتفاجى باللص
اللص : هتدفعى كام
ملك : ابعد عنى ابعد عنى
ثم يركض لسماعه صوت احد الابواب يهم بالفتح ولا يفتح ولكنه جرى على اى حال
تشاهد ه من بير السلم وترى الاتى
يجرى على السلم ويعترضه ابن الجيران الشاب فيخرج المطوه ويقتله
51
فى القناه اليوم التالى
المخرج : مالك النهارده يا ملك
ملك : تعبانه شويه
المخرج : اعتذرى عن الحلقه وروحى
ملك : والهوا
المخرج : مش مشكله نعتذر للناس باى سبب روحى انت
ملك : لأ انا هكمل
52
تقابل يوسف فى مكان عام
ملك : طيب هانبلغ عن الجريمه
يوسف : انت اتجننت اللى قتل شافنا واحنا شفناه
ملك : ايوه بس ده قتل وليد ، وانا عايزاه ياخد جزاؤه
يوسف : متقلقيش البوليس هيجيبه
53
سلوى مع ملك بالنادى
ملك : انت معرفتيش المصيبة اللى حصلت
سلوى : مصيبة ايه
ملك : وليد الشاب المسكين اللى باساعده اتقتل فى مدخل العماره
سلوى : يا ساتر يا رب معقوله اتقتل طب واخواته الصغيرين
ملك : هاخدهم يقعدوا عندى مع الاولاد
سلوى : اهى دى القرارات برافو عليك
ملك : بالك ، عايزه استريح واعمل حاجه لاخرتى واجاهد نفسى عشان ربنا يكرمنى
سلوى : زى ايه
ملك : اعتزل واتحجب
سلوى : تجاهدى نفسك، هيه ديه اقصى حاجه تعمليها لاخرتك
ملك : يعنى زى ماعملت سعاد
سلوى : عموما دى حاجه مش وحشه ،بس كونك تعتزلى ديه حاجه عادية ، اى بنى ادم بتيجى عليه فترة بيزهق ، بيحاول يستريح ، ده مش مجهود منك
54
فى احدى الندوات التى تحضرها ملك وبعد انتهاء الندوة
بنت : انا بشوف حضرتك فى التليفزيون وعارفه انك ست حقانيه
ملك : تستاهلى اللى يجرالك ، انت مذنبه وانا مش شايفالك اى عذر
بنت : ايوه بس انا متجوزه عرفى وعايزاه وبحبه والمفروض انه بيحبنى
ملك : وتجوزيه عرفى ليه انت منحرفه وشاذه وتستاهلى كل اللى يجرالك وانا لو مكان اهلك كنت دبحتك
بنت : حاولى بس تساعدينى ومش هنسالك الجميله ديه
ملك : ايوه بس هوه مين وعلاقتى بيه ايه
بنت : انت خالته
ملك : عمرو ، يخرب بيتك وانت عرفتى منين
بنت : هوه قالى
55
فى بيت ملك
ام ملك : قبضوا على اللى قتل محمد ابن الجيران
ملك : مين (منزعجه)
ام ملك : مش عارفه اهى صورته فى الجرنان
ملك : يا خبر مش هوه (تحدث نفسها)
56
امام مدخل العماره
ملك : هيه عربية الاستاذ عماد فين ،،،هوه غير العربيه
الحارس : الاستاذ عماد سافر
ملك : اسكندريه؟
الحارس : لا بره مصر
ملك : اه عشان كده ، متشكرة
57
فى بيت والدة ملك
ملك : معقوله سافر كده من غير ما يقول حاجه
ام ملك : ويقولنا ليه واحنا بينا وبينه ايه ده احنا حتى بنصده
ملك : تانى ،
ام ملك : يعنى مش كنت اتجوزتيه
ملك : والولاد يا ماما
ام ملك : يا للا اهو زى ما جه مشى
58
مع اخوات وليد البنات
اخت 1 : احنا ملناش حد غيره منه لله منه لله
ملك : ما تخافوش انا معاكم مش هاسيبكم
اخت 2 : الله يخليك الله يخليك
ملك : عمكم ما سألش عليكم
اخت 1 : ولا كأنه يعرفنا
ملك : ايه الناس ديه اعوذ بالله
59
فى بيت والدة ملك ، عمرو يتحدث معها
ملك : مش انت بتحبها اتجوزها
عمرو : لأ انا كنت بتسلى
ملك : يعنى ايه بتتسلى ايه ده انت بتهرج هيه بنات الناس لعبه
عمرو : مالك يا طنط
ملك : مالى ايه كله من ابوك هوه السبب
عمرو : انت هتغصبينى اتجوز واحده بالعافيه وبتمشى مع كل واحد
ملك : انت مكنتش اعرف انك بالاخلاق ديه
60
ملك وسلوى فى النادى
سلوى : ايه حنينا ولا ايه ، هوه احنا كده الحاجه بعد ما تفلت من ايدينا نرجع نندم عليها
ملك : لا مش كده ، بس انا مستغربه من الطريقه
سلوى : يعنى متوقع ، جبتيله احباط وجايز حاجه ظهرت فى شغله
ملك : جايز ، بس كده اتقطعت صلتنا بيه
سلوى : ما اعتقدتش هو شويه وهيبان تانى
61
ملك واخوها فى حوار ببيت والدتها
اخو ملك : انا قلتلوا يعمل اللى هوه عايزه بس ياخد باله ما يدبسناش فى جوازه ولا فى عيل
محمد : الواد ابنك كبر وباين عليه طالع لك
اخو ملك : اسكت لحسن الحريم جايين
ملك : انا سامعه بقى ده الكلام ، الواد يلعب بديله يبقى الواد كبر وبقى راجل ، والبنت لو وقفت فى الشباك تبص على شاب تبقى قليلة الادب
اخو ملك : طبعا الراجل راجل والست وست ، وبعدين فين الكلا م اللى بتقولى عليه ده ده البنات دلوقتى يدب فى عينهم رصاصه ومحدش قادرلهم
ملك : مش للدرجه ديه ، يعنى ترضى لبناتك تحب وتمشى بس مع شاب
اخو ملك : احنا هنلخبط ولا ايه
ملك : مش هنلخبط روح خلى ابنك يجوزها
اخو ملك : انتى عرفتى
ملك : ايوه وخليه يجوزها والا انت عارف انا اعمل فيك ايه
اخو ملك : يا ملك الكلام ده ما يحتملش هزار ، يعنى اجوزه بنت صايعه
ملك : وهو ابنك ايه ،،،،
اخو ملك : ماله ابنى شاب زى الفل
62
مكالمه هاتفيه
اللص : لو فكرتى تروحى البوليس او تقولى ان اللى اتمسك برىء التسجيل هيظهر وهتبان المذيعه الجامده قوى على حقيقتها
ملك : انت انسان سافل ومجرم
اللص : قولى كل اللى انت عايزاه ، اهم حاجه زى مااتفقنا ، سلام يا مزه
63
فى بيت والدة ملك
ملك : يوسف مظهرش تانى فى العمارة
ام ملك : وانت بتسالى ليه
ملك : يعنى مش جارنا
ام ملك : واخبار قضية وليد ايه الله يرحمه
ملك : مفيش جديد ، الولد اللى مسكوه وفاكرين ان هوه اللى قتله محاكمتة قربت
ام ملك : اللى فاكرين انه قتله ، ليه ميكنش القاتل
ملك : وانا هاعرف منين يا ماما (بعصبيه)
ام ملك : انت عصبيه جدا اليومين دول يا ملك
ملك : هاقوم انام
64
سلوى وملك فى النادى
ملك : قررت اكبر قرار فى حياتى ، هاسيب التليفزيون واتحجب ويبقى عملت فى دنيتى كل اللى يدخلنى الجنه
سلوى : يا سلام لا هيه الجنه سهله كده ، وبعدين ده مش اكبرقرار ولا حاجه ولا انت يعنى اكبر مضحيه وعملالى فيها رابعه العدويه
ملك : يعنى ايه ،،عايزه ايه ،،،انا عارفاكى طول عمر دماغك مطرقعه
سلوى : اولا شغلك فى التلبفزيون مش ذنب تتوبى منه ،،، انت عايزه تسبيه وتعبت ده حقك ، حتى الطرحه مختلفين عليها
ملك : لأ مش مختلفين
سلوى : يا ستى ماشى ، انت مقتنعه بالرأى ده ، ممكن تتطلبى وظيفه اداريه او معده
ملك : انت بتبسطى الموضوع قوى ، دنا عشان اخد القرار ده فكرت سنين
سلوى : فكرتى سنين ف ايه ، باقولك ايه انا نازله واعملى قرار ، المهيب بتاعك
65
ملك مع البنت فى مكتبها بالقناه
ملك : انسيه مفيش فايده ، استحاله ، انت طبعا مش حامل صح
بنت : ايوه
ملك : خلاص اتصرفى واطوى الصفحه ديه
بنت : شايفه كده ،
ملك : مفيش غير كده انا شايفه الموضوع وبقلك انسى
66
تسمع ملك هذا الحوار امن المصورين قبل تصوير البرنامج
حارس 1 : الست ديه ست كمل
حارس 2 : محدش عمره قال عليها كلمه
حارس 1 : ومحترمه وشخصيه
حارس 2 : وكلمتها واحده و ب 100 راجل
67
فى البيت عند والدتها
ام ملك : هتروحى المحكمه ليه
ملك : عايزه اشوف البنى ادم اللى معندوش رحمه وهو واقف فى القفص مستنى الحكم
ام ملك : مفيش داعى
ملك : لازم اروح
اخت 1 : هتروحى معانا يا طنط
ملك : طبعا هاجى
اخت 1 : نتقابل هناك
68
مع سلوى بالقناه
ملك : المجتمع متسيب قوى مع الرجاله انا مش عايزه بنتى متسيبه بالعكس ، بس كمان ابنى مايغلطش الذنب واحد
سلوى : عندك حق ، بس هتعملى ايه هوه ده الواقع
ملك : واقع زفت
69
خارج قاعة المحكمه
اخت 2 : انا نفسى اشوف اللى قتل وليد محكوم عليه بالاعدام
ملك : يستاهل بس ياترى هما متأكدين ان هما قبضوا فعلا على القاتل الحقيقى
اخت 2 : اكيد ليه بتقولى كده
ملك : لأ ابدا بس انا كنت عمله حلقه عن واحد قضى فترة فى السجن وبعد ما خرج اثبت انه كان برىء
اخت 2 : مش معقول دى جريمة قتل مش هزار
ملك : طب ياللا نخش قاعة المحكمه
70
تلف الدنيا بها وتدور داخل المحكمه ، امامها الفرصه للعلو والسمو والارتقاء وبكل انكار الذات
ممثل الادعاء : كل الادله بتشير ان المتهم اللى امامنا هو القاتل والذى قام بتنفيذ جريمته البشعه بدون اى رادع دينى او اخلاقى او انسانى واطالب باقصى العقوبه
محامى1 : ايه الدليل انه القاتل لا يوجد اى دليل
محامى : بالعكس ده الموضوع مش محتاج كلام اداة الجريه ثبت ان المتهم اشتراها قبل الحادث بيومين
محامى1 : طب ايه الدافع
محامى : السرقه، الادلة اثبتت اختفاء فلوس وموبيل وغيره كانت مع القتيل بس اللى حصل ان القتيل حاول يقاومه فطعنه بالمطوه فارداه قتيلا ، ولا ادرى ماالذى يحاول ان يتحدث عنه الدفاع
ملك : الراجل ده برىء
صياح داخل المحكمه واصوات برىء برىء ازاى
ويقف اهلها
القاضى : مين اللى بيتكلم
ملك : انا ملك فخرى
القاضى : المذيعه المشهورة
ملك : ايوه وساكنه فى عمارة وليد واعرفه كويس وكمان شفت اللى قتله
القاضى : هوه اللى فى القفص
ملك : لأ طبعا ، القاتل انا عارفاه كويس جدا ، بس مكنتش قادره اقول عليه عشان خاطر ملك العفيفه الفاضله المحترمه اللى عايزه ترضى ربنا ، ربنا هيرضى عنى عشان عندى وهم حماية كيانى؟ ، واضيع شاب يرىء ؟؟؟؟ ، وقال عايزه اعمل خير واجاهد نفسى ، ايه التفاهه ديه ؟وايه الانانيه ديه؟
حالة هرج بالمحكمه
القاضى : وليه ما ادلتيش باقوالك من بدرى
ملك : كنت مترددة وخايفه بس دى فرصتى انقذ انسان برىء انا غلطت ، غلطت ، وتبت
حالة من الذهول خيمت على كل من بالمحكمه
القاضى : احكيلنا لو سمحت يا مدام
ملك : هددنى ان ينشر الشريط لو قلت انى شفته بيقتل وليد ، وانا ست ليه كيانى وهيبتى
71
وهى خارجه من المحكمه
سلوى : برافو عليكى صح كده انت شجاعه ختى القرار الصح، معلش غلطتى استغفرى ربك وربنا قبل التوبه
1 : موقف عظيم وهتاخد ثواب كبير عليه
2 : ثواب ايه دى زانيه
3 : كانت طلبت الجلسه سريه
4 : وهوه الموضوع ده بعد ما يتحكى هيبقى فيه سريه
5 : هيه دى رمز العفه والفضيله
6 : وعامله مصلحه اجتماعيه
7 : ملك هتتبهدل
72
سلوى مع ملك فى النادى
سلوى : ما خليتهوش يعملك ورقه عرفى ليه
ملك : ماجاش فى بالى خالص
سلوى : طيب ما تعرفيش مكانه
ملك : لأ
سلوى : ليه ما طلبتيش الجلسه سريه
ملك : كانت الحكايه هتتنشر اكتر
73
ملك فى القناه مع رئيس القناه
ملك : ادى اجازتى
رئيس القناه : مش ممكن انا مش مصدق مش ممكن ،، ومين ملك فخرى ، ده انت اسطورة وقدوة لكل الستات الناجحه والمحترمه
ملك : لأ صدق ، انا مش قادره ، مش قادره خلص الاجازه
وتخرج بعيدا
ينظر اليها باستغراب مع اشمئزاز
74
مكالمه تليفونيه من بيت والدة ملك
يوسف : كل اللى حصل ده وما تقوليش
ملك : اعرف انت فين ولما نمرتك ازاى
يوسف : انا مكنتش اتصور ابدا ان ده ممكن يحصل ، تعالى تعالى ، وهنتجوز ، لازم الموضوع ده يتلم عشان تعرفى تعيشى بعد كده انا مستنيكى ياللا
ملك : انت بتقول ايه والولاد
يوسف : اسمعى الكلام ، هوه جوزك هيسكت لو حب ياخدهم هايخدهم مش جوازنا اللى هيمنعه جربى كده يمكن العيال مش فى باله
ملك : واسيب الولاد لمين
يوسف : لماماتك وكلها سنه اصفى اعمالى ونرجع ، وان شاء الله يكون الولاد معانا ، احتمال كبير
ملك : طيب سبنى افكر
يوسف : انت لسه هتفكرى ادى عنوانى ،
75
داخل صالة المطار
ملك : بالعكس انا مبسوطه جدا ، وحسيت ان عملت اللى كان لازم اعمله ، وحاسه ان ربنا راضى عنى
ام ملك : سنه واحده والاولاد معايا فى عنيه ، تكون الدنيا هديت ولو اصر ابوهم على اخدنهم مفيش مشكله هوه برضه ابوهم ،
ملك : طبعا هيستغل اللى حصل وهيطلب الحضانه
ام ملك : مش شرط سلمى امرك لله ، واتجوزى عماد وعيشى حياتك واللى فيه الخير يقدموا ربنا
تسلم على اولادها
ملك : مع السلامه يا حبايبى هتوحشونى قوى
شادى : ما تتأخريش يا ماما احنا مستنيينك
ملك : مش هتأخر
76
تتذكر وهى فى الطائره
ملك : ما تزعلش انا فكرت نجوز انا وانت ونحطهم امام الامر الواقع
يوسف : ازعل ليه ، انتى عملتى كل اللى تقدرى عليه ،وانا ارضى ان اخليك تجوزينى بالشكل ده
ملك : يعنى مفيش فايده
يوسف : اصل احنا لو فى فيلم كنت هاقولك النهاية لازم تكون سعيده
ثم تبتسم وتعدل دماغها على كرسى الطياره وتنام
ومشهد بديع للطائره وهى فى السماء
الاشتراك في:
تعليقات الرسالة (Atom)
ليست هناك تعليقات:
إرسال تعليق